Plantun de Prouvènço

Pèr coumpara dos planto d'encò nostre

Ranunculus trichophyllus subsp. eradicatus & Eschscholzia californica

Ranunculus trichophyllus subsp. eradicatus

Ranunculaceae

Nom en français : Renoncule déracinée.

Descripcioun :
Aquéu ranouncle d'aigo trachis dins li lau d'auto mountagno. Fai qu'uno souleto meno de fueio, de multifido souto l'aigo, que fan pas mai de 4 cm. Li pecou soun long de 4 à 6 cm. Se destrìo de la subsp. trichophyllus que s'atrovo pu bas, que fai de racino à tóuti li nous de la planto (vèire li fotò), acò pòu pas engana.

Usanço :
Coume tóuti li ranouncle, es uno planto empouisounanto.

Port : Erbo
Taio : 10 à 40 cm
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Ranunculus
Famiho : Ranunculaceae

Ordre : Ranunculales

Coulour de la flour :
Petalo : 5
Ø (o loungour) enflourejado : 5 à 8 mm
Flourido : Printèms - Estiéu

Sòu : Si
Autour basso e auto : 700 à 2800 m
Aparado : Noun
Mai à avoust

Liò : Lau - Tourbiero - Mueio
Estànci : Subaupen à Aupen
Couroulougi : Artico-Aupenco
Ref. sc. : Ranunculus trichophyllus subsp. eradicatus (Laest.) C.D.K.Cook, 1967

Pavot(-de-Califournìo)

Eschscholzia californica

Papaveraceae

Nom en français : Pavot de Californie.

Descripcioun :
Lou pavot-de-Califournìo se rescontro d'aqui e d'eila dins lis escoumbre e lis ermas proche d'oustau. Es un poulit pavot fourestié emé de gràndi flour jauno o aranjado e de fueio que dounon d'èr à-n-aquéli di fumo-terro. Lou fru (boursèu) se raprocho de li de l'erbo-dóu-faiò.

Usanço :
Estènt un pavot, a d'usanço proche de Papaver somniferum, pamens en mens fort (e sa culturo es autourisado). Es un remaiso doulour, ajudo à dourmi e èi bon contro lis ànçi. Ei bessai manjadis, coume lis àutri pavot, mai n'en sabèn pas rèn.